Të shtëna me armë zjarri janë dëgjuar paraditen e sotme në Lungomare të Vlorës ku u plagos një person. Pas përplasjes me armë, policia është vënë në ndjekje të autorëve, të cilët janë larguar nga dy pika të ndryshme të qytetit dhe kanë djegur mjetet e tyre.
Mësohet se Dajko Cenodemaj ka mbetur i plagosur në këmbë dhe është dërguar drejt spitalit, ku fatmirësisht ndodhet jashtë rrezikut për jetën.
Dyshohet se në përplasjen me armë kanë qenë të përfshirë tre persona, ndërsa janë gjetur të djegur dy mjete. Gjithashtu dyshohet se personat e përfshirë në përplasjen me armë janë larguar me këmbë.
Policia thotë se ka pikasur autorët, dhe po kreh të gjithë zonën.
