Gjykata në Colmar të Francës pritet që të enjten të marrë vendim për kërkesën e Serbisë për ekstradimin e liderit të Aleancës për Ardhmërinë e Kosovës, Ramush Haradinaj.
Haradinaj vazhdon të jetë i ndaluar prej 3 muajsh në Francë me urdhërarrest të lëshuar nga Serbia. Ai akuzohet për kryerje të krimeve të luftës në Kosovë në drejtim të serbëve, akuza nga të cilat doli i pafajshëm nga Gjykata e Hagës para disa vitesh.
Ish-kryeministri i Kosovës është shprehur ditë më parë se nuk beson në mundësinë e ekstradimit të tij në shtetin serb.
