Tashmë është bërë zakon që sa herë bie shi rrugët e Tiranës bllokohen dhe trafiku i madh krijohet në të gjithë qytetin. Edhe ditën e sotme për pak minuta shi që ra rrugët e kryeqytetit janë bllokuar në të gjitha koristë. Një kaos i vërtetë është krijuar që nga hyrja e Liqenit Artificial deri tek “Pallati me Shigjeta”. Konkretisht janë paralizuar të gjitha koristë e Unazës së Madhe, rruga për në Selitë dhe dalja ngaKombinati.
Më shumë se prej 1 orë këto korsi janë paralizuar tërësisht dhe makinat kanë ngecur në trafik duke krijuar radhë kilometrike deri në autostradën Tiranë-Durrës. Ky orar përkon dhe me kohën që shumë qytetarë dalin nga puna dhe duke shtuar rrugët që përmbyten nga reshjet, trafikun vazhdon të jetë i rënduar. Si në çdo herë qytetarët i bëjnë thirrje bashkisë që të pastrojë rrugët dhe sidomos kanalet kulluese, pasi në çdo ditë që ka reshje ata zhyten në pellgje me ujë çka bëhet shkaku kryesor i trafikut dhe burim aksidentesh.
