Pas marrëveshjes së arritur me Serbinë për dokumentet, kryeministri i Kosovës Albin Kurti shprehet optimist edhe për një tjetër marrëveshje të vështirë, atë të targave. Në një intervistë për BBC, Kurti thotë se shpreson që të arrihet një dakordësi brenda tetorit.
“Ne kemi pas bisedime ne Bruksel që nuk kanë qenë të lehta por rezultatet janë të kënaqshme sepse tani kemi reciprocitet mes Kosovës dhe Serbisë, në kuptimin e lëvizjes së lirë, për qytetarët e të dyja vendeve Shpresoj që deri në tetor s’do të shohim automjete me targa që s’janë valide” – u shpreh Kurti.
Kurti ka falënderuar Shefin e Politikës së Jashtme të Bashkimit Evropian Josep Borrell dhe të dërguarin special të SHBA-së për Ballkanin Perëndimor, Gabriel Escobar për punën e bërë për dialogun Kosovë-Serbi.
“E falënderoj Borrellin, Lajçak dhe Escobar për punën e zellshme në Prishtinë dhe Beograd, në të njëjtën kohë i falënderoj qytetarët e Kosovës për mbështetjen”, tha më tej kryeministri i Kosovës. Një komet e pati edhe për tensionet në veri të Kosovës para se të arrihej marrëveshja. Kurti tha se “janë bindur të gjithë se çfarë kemi bërë nuk është ilegale” – tha Kurti.
