Ish-anëtari i Kryesisë së Partisë Demokratike, Edvin Kulluri, ka komentuar situatën në PD. Gjatë një interviste televizive ai ka deklarua se e Sali Berisha zhgënjeu më shumë se Lulzim Basha me drejtimin e partisë. Ai quajti një veprim shumë të nxituar dhe me interesa personale procesin e zgjedhjeve të brendshme. Sipas tij, PD tani është me keq se në kohën kur drejtohej nga Basha.
“Ilir Meta aty ku ka qenë, ndryshon vetëm zyra. Në 2 mars kam qenë vetë në shesh për një Çështje të drejtë për Gjykatën Kushtetuese. PD mori pjesë nga halli. Por Meta do ta ketë të vështirë ti bashkohet një procesi opozitar fitues. Të gjithë aktorët aty kanë qenë. Kjo opozitë ka humbur në 2021, kjo lloj opozite pra, ajo PD që nuk ngjall besim. Tani jemi edhe më keq. PD është shumë më keq se para një viti. Janë të përçarë sepse procesi i nxituar i zotit Berisha solli një zhgënjim më të madh se Basha. Ato nuk ishin zgjedhje, por një gënjeshtër e madhe. Duke premtuar primare, por duke bërë emërime. Kjo që ka bërë zoti Berisha që janë i njëjti ekip i Bashës, po vijnë vërdallë kot. Kanë tradhtuar parimet për të cilat u ngrit”, deklaroi Kulluri. Më tej ai shton se përgjegjës për humbjen e zgjedhjeve nuk ishte vetëm Lulzim Basha dhe për këtë dorëheqje duhet të kishte dhënë edhe Monika Kryemadhi.
