Deputetë, drejtues vendorë dhe përfaqësues të bizneseve në Kukës kanë kundërshtuar taksën e Rrugës së Kombit dhe kanë paralajmëruar kallëzim penal në Prokurori për kontratën e dhënies me koncension.
Kryetari i Bashkisë së Kukësit, Bashkim Shehu e ka cilësuar atë si anti-ligjore dhe anti-qytetare.
Në kërkesën e tyre që kjo taksë të anulohet ata paraqesin edhe argumentet se përse kjo taksë është anti-kombëtare që shkon kundër interesave të komunitetit si dhe kundër zhvillimit ekonomik dhe turistik të vendit.
Në qoftë se nuk do të ketë asnjë reagim nga ana e qeverisë priten reagime të tjera si bllokim tërësisht të aktivitetit ekonomiko – tregtar në Kukës, Has e Tropojë e më pas protesta qytetare.
