Takimi/Thaçi: BE t’i bëj presion Serbisë që të fshijë fletë arrrestin për Ramush Haradinaj
“Kosova është shtet i pavarur dhe Beogradi bën mirë t’a pranojë këtë fakt”. Kështu është shprehur Presidenti, Hashim Thaçi, pas takimit Kosovë-Serbi të mbajtur në Bruksel.
Gjithashtu Thaçi u shpreh se në këtë takim, është kërkuar nga Bashkimi Europian që të jetë i qartë në raport me Serbinë, për mos lejimin e cenimit të territorit të Kosovës.
Më tej Thaçi dekleklaroi që… “Shpresoj që pas këtij takimi, Serbia do të qetësohet dhe do të ulë agjendën e vet nacionaliste në raport me Kosovën dhe pretendimin për cenimin e sovranitetit dhe integritetit territorial të Kosovës. Kosova është shtet sovran dhe i pavarur dhe do të ishte mirë që Serbia ta njohë sa më parë që të jetë e mundur”.
Ndërsa tek foli për trenin Thaçi tha që… “është kërkuar që në asnjë rrethanë, Serbia të mos e përsërisë gabimin e trenit, kemi njoftuar qartë se Kosova nuk do t’i presë më lule mesazhet e tilla por do t’i përgjigjet me ligj dhe Kushtetutë “.
Gjithashtu Thaçi ka bërë me dije se gjatë takimit i ka kërkuar BE-së që të bëjë presion më të fuqishëm në raport me Beogradin që ato fletëarreste të tërhiqen sepse Serbia nuk ka juridiksion mbi shtetin e Kosovës.
