Kreu i opozitës Lulzim Basha ka përfunduar pak minuta më parë takimin me drejtorin e ri të DASH-it për Europën Jugore dhe Qendrore David Kostelancik.
Në një postim në Twitter, lideri demokrat theksoi se në fokus të diskutimit mes tyre ishte vendosja e rendit dhe ligjit në Shqipëri, goditja e korrupsionit dhe forcimi i marrëdhënieve bilaterale Shqipëri-SHBA.
“Diskutim shume i hapur dhe konstruktiv me David Kostelancik, Drejtori i ri i Zyrës së Europës Jugore dhe Qendrore në Departamentin e Shtetit. Në fokus, fund pandëshkueshmërisë së politikanëve, rikthim i Sundimit të Ligjit, dhënke fund kapjes së shtetit dhe korrupsionit dhe forcimi i partneritetit strategjik të Shqipërisë me SHBA.”, shkruan Basha.
