Gjatë një konference të përbashkët për shtyp me presidenten e Këshillit Kombëtarë të konfederatës së Zvicrës, Christina Markwalder Kryetari i Kuvendit Ilir Meta ftoi bizneset zvicerane, të investojnë në Shqipëri. Sipas Metës reforma në drejtësi do të japë impakt pozitiv dhe në klimën e të bërit biznes.
Sakaq Markwalder u shpreh se nga vizita e saj e fundit në Shqipëri në vitin 2005, sheh një zhvillim të madh dhe konsolidim të institucioneve demokratike si dhe vuri theksin në interesin për bashkëpunim mes dy parlamenteve.
Ilir Meta: Ne vlerësojmë shumë rolin e Kooperacionit Zviceran përmes asistencës shumë dimensionale që ofron në Shqipëri, asistencë të cilën ne e çmojmë jashtëzakonisht, sidomos në drejtim të projekteve të fuqizimit të qeverisjes vendore, të forcimit të shoqërisë civile dhe mjaft drejtime të tjera.
Christina Markëalder: “Eshtë në interesin e Zvicrës të shohim Shqipërinë dhe gjithë rajonin e zhvilluar. Përshendesim rolin e Shqipërisë për një rajon të stabilizuar , ndaj interesohemi të shohim dy parlamentet të forcojnë bashkëpunimin”
