Ministri e Brendshëm, Saimir Tahiri ka zhvilluar një takim me delegacionin e nivelit të lartë të policisë italiane që ndodhet për një vizitë në Tiranë. Ministri Tahiri ka vlerësuar bashkëpunimin e frytshëm deri më tani në luftën kundër kriminalitetit, trafiqeve dhe paligjshmërisë në tërësi.
Gjatë bashkëbisedimit , është evidentuar fakti se me mbështetjen e qeverisë italiane, edhe këtë vit po monitorohet territori i vendit, për të identifikuar dhe asgjësuar bimët narkotike.
Ministri shtroi nevojën për mbështetjen edhe të parterëve të tjerë, për të patur rezultate sa më solide në luftën kundër krimit të organizuar.
Palët ranë dakord për rritjen e shkëmbimit të informacioneve në kohë reale në aspektin operativ, si dhe forcimin e bashkëpunimit në sektorin e sigurisë dhe të luftës kundër terrorizimit.
