Kreu i PS-së së Tiranës Saimir Tahiri ka deklaruar se Shqipëria që duam mund të bëhet më e mirë vetëm duke gjetur mundësi për t’u bërë bashkë sa herë ka një vështirësi.
Gjatë hedhjes së shortit për ndeshjet me eleminim direkt të 162 skuadrave të regjistruara në kampionatin e futbollit të FRESSH Tiranë, Tahiri theksoi se ky vend bëhet duke garuar me njëri-tjetrin.
“Shikoni çfarë ndodh në politikë ta kuptoni se si ka ca që duan garë dhe t’i japin shansin qytetarëve të votojnë për më të mirin. Ka ca që nuk duan garë dhe nuk duan fare të futen në votim. Ka ca që nuk duan as zgjedhje. Të paktën ne e dimë që ky vend bëhet duke garuar me njëri-tjetrin. Të paktën ju e dini që njerëz më të mirë në këtë vend mund të ketë vetëm duke u bërë bashkë nëpërmjet garës me njëri-tjetrin. Të paktën ne e dimë që ky vend dhe Shqipëria që duam mund të bëhet më e mirë vetëm duke gjetur mundësi për t’u bërë bashkë sa herë ka një vështirësi”, tha Tahiri.
Kryetari i bashkisë së Tiranës Erion Veliaj foli mbi rëndësinë e votës më 18 qershor, që Tirana të mos bjerë sërish në gjumë sipas tij.
