Në seancën e ditës së sotme Parlamenti i Shqipërisë do të votojë dy raportet e Këshillit të Mandteve rreth imunitetit të Saimir Tahirit. Demokratët kërkojnë arrestimin e Tahirit, ndërsa mazhoranca është pro vetëm që ai të hetohet.
Ish-ministri mori fjalën i pari dhe u shpreh se mirëpret çdo lloj vendimi të deputetëve, duke shtuar se rruga e tij nuk ndalet këtu, por do vazhdojë përballjen me drejtësinë.
“Kjo sallë ka dëgjuar shumë njerëz që janë betuar e përbetuar, kështu që unë do ia kursej çdo fjalë timen në lidhje me këtë. Nuk pres ta gjej të drejtën time këtu në Parlament, por para drejtësisë, kështu që mirëpres çdo vendim tuajin. Rruga ime nuk ndalet këtu”, tha Tahiri.
