Nga Jozefina Lekstakaj
Cila është dukuria më masive, më e dukshme dhe më “trendy”, përsa u përket partive politike alla shqiptarçe?! Fakti që këto parti nuk identifikohen me alternativat reale: të majta, të djathta apo të qendrës. Në Shqipëri, është bërë zakon të shohim në koalicion; republikanët me monarkistët, socialistët me të djathtët ekstremë, shohim se si sindikatat dhe pensionet e pleqve janë temë dite për të “djathtët” e ndërkohë interesat e biznesmenëve bëhen prioritet për të “majtët”.
Gara mes dy blloqeve kryesore nuk është për alternativa, por për variante të të njëjtit program. Lexojini programet elektorale të tyre; nuk kanë kushedi diferencë as në qëndrimet ndaj shtetit të së drejtës, ndaj pronës, ndaj reformave në sektorët kyç të ekonomisë, e kështu me radhë.
Ky ngatërrim i qëllimshëm ka bërë që grupet e ndryshme të popullsisë shqiptare të mos e gjejnë veten të përfaqësuar tek asnjëra parti, tek asnjëri koalicion. Kjo ka sjellë për rrjedhojë që grupet e ndryshme sociale të zgjedhin të djathtën gabimisht, e sipërmarrësit të zgjedhin të majtën e në fund të ditës të dyja grupet kanë zgjedhur të njëjtën gjë, të njëjtin program, veçse parti me emra të ndryshëm.
E natyrisht, ky raport nuk gjendet askund në Europë, e ndoshta as në Ballkan. Fatkeqësisht, ky raport vazhdon t’i ketë rrënjët e ngulura në tokën e vendit tonë, në Shqipëri…
( Më poshtë keni disa karakteristika bazë të të majtës e të djathtës në thelbin e tyre. Mendoni: a i keni gjetur ndonjëherë në programet e partive politike në Shqipëri…?! )
