Konsullata e Përgjithshme e Kosovës në Strasburg të Francës është sulmuar këtë fundjavë.
Nga shtiza është vjedhur flamuri i Kosovës si dhe është shkatërruar stema e shtetit.
Lajmin e ka bërë të ditur, Konsulli i Kosovës, Edon Cana përmes një postimi në Facebook.
“Gjatë vikendit është sulmuar Konsullata Përgjithshme në Strasburg dhe është vjedhur Flamuri i Republikës dhe është shkatërruar Stema e Shtetit. Simbolet e Shtetit të Kosovës i pengojnë armiqve tanë. Duke i falënderuar autoritetet franceze për mbështetjen e tyre jemi të bindur se mbas forenzikës së bërë sulmuesit shpejt do të gjinden”, ka thënë Cana.
