Ka pasur tensione edhe ditën e sotme në Veri të Kosovës ku është sulmuar sërish policia. Misioni i OSBE-së në Kosovë ka dënuar sulmin e sotëm ndaj policisë dhe ka kërkuar menjëherë identifikimin dhe kapjen e autorëve.
“Dënojmë sulmin e fundit ndaj Policisë së Kosovës dhe u bëjmë thirrje institucioneve relevante që ta hetojnë atë. Sundimi i ligjit duhet të respektohet nga të gjithë dhe përgjegjësit të sillen para drejtësisë, derisa mesazhet publike duhet të zbusin tensionet dhe të inkurajojnë një komunikim më të mirë”, shkruan OSBE në Twitter.
OSBE kishte dënuar edhe sulmet e mëhershme ndaj Policisë së Kosovës me të njëjtën thirrje për kapjen e autorëve.
