Ditët e fundit sipas inteligjencës ruse bëhet me dije se, luftimet e ashpra dhe sulmet ajrore ruse kanë vazhduar në qytetin port të Mariupolit.
Në një deklaratë thuhej se situata në vend është e rënduar, shumica e banorëve të qytetit nuk kanë kushtet minimale për të jetuar.
“Shumica e 160,000 banorëve të qytetit nuk kanë drita, ilaçe, apo ujë. Forcat ruse kanë penguar aksesin humanitar, me gjasë që t’u bëjnë presion ushtarëve që të dorëzohen.”
Kujtojmë se, Mariupoli është rrethuar nga forcat ruse që nga fillimi i marsit. Ushtria ukrainase bëri me dije se kishin zmbrapsur sulmet në qytet për më shumë se 40 ditë. Jeta për civilët në Mariupol ka qenë e zymtë. Bombardimet e pafundme kanë shkatërruar pjesën më të madhe të qytetit dhe nënkryetari i bashkisë së qytetit është shprehur se njerëzit po vdesin nga uria dhe dehidratimi. Forcat ruse kanë avancuar në qendër të qytetit, por forcat ukrainase kanë ende kontrollin e disa zonave.
