Gjashtë turistë europianë dyshohet se janë vrarë gjatë një sulmi me armë në Niger, në perëndim të Afrikës.
Sipas mediave ndërkombëtare turistët janë vrarë në rezervatin e xhirafave në Koure, rreth një orë nga kryeqyteti Niamey.
Sipas raportimeve të para dyshohet se të gjashtë turistët e vrarë janë francezë.
Parku ku dyshohet se ka ndodhur ngjarja është një atraksion i famshëm dhe i mirëorganizuar turistik, që i jep mundësinë vizitorëve të shohin xhirafat në habitatin e tyre natyror.
