Deputeti socialist i kërkon mazhorancës të marrë sot këtë vendim
Deputeti socialist Rakip Suli, kërkon nga mazhoranca që të vendosë për të çuar në Gjykatën Kushtetuese mandatin e tij. Vendimi i Sulit vjen pas akuzave të opozitës ndaj tij dhe deputetes socialiste Valentina Leskaj, sipas të cilave, këta dy deputetë kanë përfituar fonde publike për shkak të mandatit të deputetit.
Në një deklaratë për median para Kuvendit, deputeti Suli thotë se me këtë veprim i mbyll gojën pretendimeve të opozitës. “Kam kërkuar të shkoj në Gjykatë Kushtetuese pavarësisht se ata e kanë të drejtë, por ata nuk duan të çojnë. Kuvendi e rrëzoi kërkesën por nuk pengon opozitën që ta çojë.
Është shkak për të penguar reformën në drejtësi. Kam vendosur ti kërkoj deptuetëve të maxhorancës të votojnë për të shkuar në gjykatën Kushtetuese, që kryetari i SHQUP të mos ketë më pretendime”, tha Suli.
