Nga Dritan Shano
Integrimi Europian është para së gjithash një proçes ndryshimi kulture të të gjithë shqiptarëve nga orientale [osmano-puniste] në oksidentale.
Ky proçes ndodh në mendjen dhe shpirtin e njerëzve dhe jo të qeverive. Thelbi i këtij proçesi është që populli në demokraci ta shohë qeverinë si një të keqe të domosdoshme, dhe jo si në totalitarizëm, ku e sheh qeverinë si të mirën e amëshuar.
Ndryshimi i kësaj kulture është në realitet Integrimi Europian.
Ne jetojmë në një kohë kur “the messenger is the message” dhe kur perceptimi dominon sjelljen e njerëzve. Është e lehtë të imagjinosh se çfarë efektesh të dëmshme krijohen nga perceptime të gabuara për shkak të “korrierrëve” të papërshtatshëm.
Ndaj, për të mos ta frenuar prapë seriozisht këtë proçes delikat dhe vetmëvete të ngadaltë të integrimit Europian mes shqiptarëve, mendjet e mençura në Komisionin e BE duhet të mbajë parasysh se Ambasadori i ardhshëm i BE në Tiranë, kategorikisht nuk duhet jetë përsëri një person qe e ka origjinën nga ndonjë prej vendeve të pushtuara më parë nga Osmanët.
