Dëme katastrofike dhe përmbytje të fuqishme. Stuhia “Freddy” ka goditur Afrikën Veriore për të dytën herë brenda këtij muaji.
Mbi 200 persona janë konfirmuar të vdekur. Sasi të mëdha uji, rrëshqitje dherash dhe shtëpi të shkatërruara kanë goditur pjesën më të madhe të Malavisë. Qendra tregtare e Malavi, Blantyre, ka regjistruar shumicën e vdekjeve, duke përfshirë dhjetra fëmijë. Agjencitë e ndihmës kanë paralajmëruar se shkatërrimet nga përmbytjet do të përkeqësojnë shpërthimin e kolerës në Malavi.
Qeveria ka shpallur një gjendje fatkeqësie në 10 rrethe jugore që janë goditur më rëndë nga stuhia. Në dispozicion janë vendosur ekipe të shpëtimit për të gjetur njerëz të cilët dyshohen se janë të bllokuar nga rrëshqitjet e dherave. Morgu i Spitalit, Mbretëresha Elizabeth është i mbushur me trupa, ndërsa familjet qëndrojnë në radhë të gjata në pritje për të identifikuar të afërmit e tyre.
Organizata bamirëse “Mjekët pa Kufij” ka bërë të ditur se mbi 50 fëmijë janë shpallur të vdekur. Agjencia qeveritare e ndihmës ndaj fatkeqësive tha se më shumë se 20,000 njerëz janë zhvendosur. Numri i viktimave pritet të rritet pasi disa zona mbeten të bllokuara për shkak të shiut. Stuhia ka dëmtuar gjithashtu furnizimin me energji elektrike në Malavi.
Komunitetet e varfëra me popullsi të dendur janë goditur më rëndë. Shembja e rrugëve dhe urave kishte penguar operacionet e shpëtimit, ndërsa helikopterët nuk mund të përdoreshin për shkak të shirave të dendur dhe erërave të forta. Qeveria ka apeluar për ndihmë për dhjetëra mijëra njerëz.
Freddy është cikloni tropikal më i fortë i regjistruar dhe gjithashtu mund i gjatë në një periudhë kohore, sipas Organizatës Botërore Meteorologjike. Ekspertët thonë se ndryshimi i klimës po i bën stuhitë tropikale në mbarë botën më intensive. Freddy kishte thyer rekorde për forcën e tij pasi përshkoi Oqeanin Indian nga Australinë veriperëndimore.
