Studiuesit në shkollën kombëtare veterinare në Alfort, Paris, stërvitën tetë qen për të identifikuar personat e infektuar me koronavirus nga mostrat e aromave të marra nga sqetullat e më shumë se 360 pesronave, të shëndetshëm dhe që vuanin nga COVID-19. Shkalla e suksesit të përgjithshëm të qenve ishte 95 përqind.
Sipas revistës shkencore “Science magazine” hunda e një qeni është 100 milionë herë më e ndjeshme sesa ajo e njeriut. Studimet e mëhershme kanë treguar se këta lloj qensh kanë qenë në gjendje të detektojnë nëpërmjet nuhatjes sëmundje, si: kanceri, diabeti dhe sëmundja e Parkinsonit, shkruan The Telegraph.
