Studentët e universitetit “Fan S. Noli” kanë bojkotuar sot mësimin dhe i janë bashkuar protestës kombëtare të studentëve. Një pjesë e studentëve janë nisur drejt Tiranës ndërsa në disa fakultete studentët kanë vijuar normalisht mësimin.
Anëtarëve të këshillit studentor në Universitetin e Korçës u është ushtruar presion që të mos marin pjesë në protestën e sotme. Mësohet se presione ka pasur ndaj familjarëve të studentëve, sidomos për atë që janë në marrëdhënie pune shtetërore.
Sot në orën 12:00 studentët rikthejnë protestat kombëtare, pasi siç pretendojnë ata qeveria nuk ka përmbushur kërkesat edhe pse lançoi “Paktin për Universitetin”.
