Kryeministri Edi Rama i është përgjigjur presidentit francez Emmanuel Macron, duke thënë se Shqipëria nuk po paguhet për strehimin e afganëve në vendin tonë.
Në një intervistë të dhënë për median franceze Libetarion, kryeministri Rama ka thënë se është e pavërtetë se po merr pagesë nga Franca.
Kujtojmë se Presidenti francez Emmanule Macron ka deklaruar më herët se Shqipëria po paguhet për akomodimin e qytetarëve afganë, të cilët ikën nga shteti i tyre pas marrjes nën kontroll të Afganistanit nga talebanët.
“Si t’ja bëjmë ne kur SHBA evakuojnë afganët që më pas janë zhvendosur në Shqipëri ose vende tjera kundrejt një pagese? Është një çështje që duhet ta bëjmë si evropian dhe nuk dua ta pësojmë, ka insistuar Macron pasi do të ketë lëvizje imigratore dhe flukse të parregullta sepse është një rrëmujë, një vend në luftë civile me një regjim të dhunshëm”, ka deklaruar presidenti francez disa ditë më parë
