Kryetari i Partisë Demokratike, Lulzim Basha, mbledh sot pasdite kryesinë e Partisë Demokratike në Elbasan.
Basha do të jetë sot në orën 17:00 në Elbasan, në kuadër të turit të ri të takimit me të rinjtë, për të diskutuar mbi arsyet e emigrimit dhe rigjetjen e shpresës në Shqipëri.
Gjithashtu ai do të diskutojë me ta për rreth një orë dhe më pas do të takohet me kryetarët dhe sekretarët e Qarkut të Elbasanit.
Dëgjesën e parë me të rinjtë, ai e zhvilloi në selinë e PD-së, ku ishte i pranishëm edhe kryetari i forumit të të rinjve të partisë së Kancelares Angela Merkel. Kryetari i Forumit Rinor të CDU, Tilman Kuban, i bëri thirrje demokratëve të pranishëm në takim të ndihmonin Lulzim Bashën, që të bëhet kryeministër sa më shpejtë.
