Juventus gjithmonë ka qenë klubi më i dashur nga tifozët italianë të cilët ende vazhdojnë të mos e ndërrojnë preferencën
Në sondazhin e kryer nga “Sport Fans”, në të cilin kanë votuar sportdashës të moshës nga 14-64 vjeç, “Bardhë e Zinjtë” janë konfirmuar në kreun e renditjes me 8.316.000 tifozë, të ndjekur nga Milan me 4.201.000 e më pas nga Inter, që është ndalur në kuotën e 3.934.000 mbështetësve.
Pas verifikimeve të kryera në 5 vitet e fundit, në “Sport Fans” rezulton se Napoli ka qenë skuadra që ka njohur një “boom” të vërtetë që nga viti 2011 me një rritje prej 61% të numrit të tifozëve, 2.910.000 në total.
Pas Napoli-t vjen Roma me pothuajse dy milionë tifozë. Tifozët romanistë janë ata që shpenzojnë më shumë për të parë skuadrën e tyre në television. 54% e tyre ka të paktën një paketë televizive me pagesë.
Bologna ka kaluar nga 211.000 tifozë të 2011-ës te 334.000 të 2016-ës, me një rritje prej 58%. Shifra pozitive edhe për Lazio-n, që ka kaluar nga 425.000 në 622.000 tifozë, dhe këtu rritja është me 46%.
