I menjëhershëm ka qenë reagimi i shkrimtarit Agron Tufa pas një artikulli të publikuar nga deputeti i Partisë Socialiste, Spartak Braho. Tufa, i cili ndodhet në Zvicër, në tentativë për të fituar azilin politik, vijon të jetë i kërcënuar.
Deputeti socialist shkruan: “Unë i pari, por edhe të tjerë mendoj se do të bëjmë të pamundurën që edhe atje ku ka kërkuar azil politik të mos gjejë vrimë ku të futet…”.
Agron Tufa nga ana tjetër pyet se si do ta realizonte qëllimin e tij kriminal deputeti i Edi Ramës?
“P.S. Mua si shkrimtar, joindiferent ndaj vetes, më bën përshtypje jo pyetja “Pse”, por pyetja “Si”. Si do ta bëjë këtë Taku dhe ushtria e tij e fantazmave me hajdutë të dhjamosur si shoku Fatos Sevo Tarifa?”, shkruan Tufa.
