Tenderët e zhvilluara nga Ministria e Mbrojtjes dhe ajo e Shëndetësisë gjatë periudhës së pandemisë së COVID-19 do të jenë objekt i një hetimi dhe verifikimi i prokurorisë së posaçme SPAK.
Sipas SPAK i cili u pyet nga Euronews Albania po bëhen hetime intensive për prokurimet e drejtpërdrejta të zhvilluara nga Ministria e Mbrojtjes për shkak të gjendjes së emergjencës.
Për tenderët e këtij dikasteri prokuroria ka regjistruar një procedim për akuzat e korrupsionit dhe shkeljes së barazisë në tenderin 1,5 milion eurosh i përdorur për blerjen e ushqimeve për familjet në nevojë.
Partia Demokratike kallëzoi në SPAK ministren Olta Xhaçka dhe zyrtarë tjerë , duke argumentuar se fituesi i tenderit ishte paracaktuar. Ndërsa për tenderët e zhvilluara nga Ministria e Shëndetësisë, blerja e maskave për personelin mjekësor si dhe blerjen e kiteve të testimit për pacientet e dyshuar se janë prekur me COVID-19 po bëhet një verifikim.
Këto tenderë janë denoncuar edhe nga Partia Demokratike në daljet e saj publike të cilat kanë shërbyer si indicie për të nisur një verifikim. Sipas Partisë Demokratike maskat dhe mjetet e tjera mbrojtëse janë blerë disa herë më shtrenjtë se çmimi me të cilat atom und të gjenden ne farmacitë shqiptarë. Kitet e testeve për personat e dyshuar se janë prekur nga COVID-19 janë blerë katër herë më shtrenjtë se çmimi i tregut.
Sipas opozitës, një kit vjen në Shqipëri për 21 mijë lekë të vjetra , ndërsa në Ministria e Shëndetësisë e ka blerë 85 mijë lekë të vjetra. ndërsa mazhoranca ka mohuar akuzat duke sqaruar se kontratat janë të publikuara. Nëpër publikimet e VKM-ve në Fletoren Zyrtare,tenderët në fjalë nuk është publikuar kontrata apo teksti bashkëlidhur siç thuhet në përmbajtjen e VKM.
