SPAK ka lëshuar urdhër- arreste për rreth 30 persona, të cilët dyshohet se janë pjesë e një grupi kriminal. Raportohet se ka arrestime në disa qytete, por fillimisht arrestimet kanë filluar në Vlorë. Burime bëjnë me dije se 8 persona janë shoqëruar deri më tani, dhe pritet t’iu komunikohet masa e arrestit me urdhër të SPAK.
Operacioni është ende në vijim, por dyshohet se të arrestuarit janë pjesë e një grupi kriminal që operon në qytetin bregdetar dhe është i përfshirë në trafik droge por edhe në ngjarje të rënda kriminale.
Operacioni ka nisur në mesnatë në Shkodër, Vlorë dhe Gjirokastër. Operacioni është ndërmarrë për goditjen e grupeve kriminale Aksioni nga SPAK është kryer gjatë natës deri në orët e para të mëngjesit, ndërsa janë kryer kontrolle të shumta në banesa. Kontrolle ka pasur gjithashtu në Tiranë, Durrës dhe Lezhë. Sakaq, hetimet vijonin prej tre vitesh.
