Deputeti i qarkut të Shkodrës, Bardh Spahia, iu bën thirrje shkodranëve për të marrë pjesë në gjyqin, i cili do të zhvillohet nesër paradite në Shkodër, tek Gjykata e Apelit, ndaj 11 personave të arrestuarve për protestën e Kukësit.
Spahia, gjithashtu përmes kësaj thirrjeje kërkon reagimin dhe mbështetjen e qytetarëve kundër gjyqeve politike, siç i quan ai.
“Të dashur miq, qytetarë të Shkodrës. Nesër paradite në Shkodër tek Gjykata e Apelit (afer Bixhistenit) zhvillohet gjyqi ndaj 11 të arrestuarve për protesten e Kukësit. Nderi dhe tradita e Shkodrës e don që të jemi sa më shumë dhe të reagojmë sa më fort në mbështetje të tyre dhe kundër gjyqeve politike, të cilat na kujtonë kohët më të errëta të Shqipërisë dhe me të cilat, Shkodra dhe shkodranët nuk janë pajtuar as gjatë diktaturës më të egër. I gjithë grupi parlamenter i PD-së do jetë aty. Sytë, mendja dhe zemra e çdo demokrati kudo ku ndodhet nesër do jenë në Shkodër. Le të jemi sa më shumë nesër në ora 10 tek gjykata e apelit. Ju faleminderit“, është shprehur deputeti i qarkut të Shkodrës.
