Gjykata franceze në Colmar të Francës pritet që të marrë sot një vendim në lidhje me Ramush Haradinaj.
Ish-kryeministri i Kosovës dhe kryetari i partisë politike, Aleanca për Ardhmërinë e Kosovës, është ndaluar nga policia franceze më 4 janar, në bazë të një urdhër-arresti ndërkombëtar të lëshuar nga Serbia përmes Interpolit. Ai akuzohet nga drejtësia e Serbisë për krime lufte.
Në një bisede për Radion Evropa e Lirë, Haradinaj nuk shprehet shumë optimist se në këtë seancë të radhës mund të ketë ndonjë vendim pozitiv për të.
“Teorikisht ekziston mundësia e vendimit, por në bazë të praktikës së deritanishme të vonesave, pra, mund të pritet që vendimi të shtyhet edhe për ditë apo javë”, tha Haradinaj.
Gjithashtu Haradinaj thotë se baza e ndalimit të tij është krejtësisht politike. Do të thotë aktakuza burimin e ka në vitin 2014, që sipas tij është një aktakuzë që është nisur para proceseve gjyqësore që i kam kaluar në Tribunalin e Hagës.
