Në zgjedhjet e vitit 2013 kompania e sondazheve parashikoi që FRD e Bamir Topit dhe AK e Kreshnik Spahiut do të fitonin mbi 4.5% të votave, por rezultoi e kundërta, nuk morën asnjë mandat deputeti.
Fotografia e mësipërme paraqet shifrat e sondazhit të kompanisë IPR Marketing për zgjedhjet e vitit 2013. Rezultatet e sondazhit ishin thuajse të njëjta me ato të djeshmet, të publikuara nga kjo kompania në fjalë, për zgjedhjet e 25 qershorit. Sondazhi i publikuar dje parashikon 1.8% rezultatin e PDIU-së për zgjedhjet e 25 qershorit, thuajse njësoj me parashikimin e vitit 2013, kur PDIU, sipas sondazhit të IPR Marketing, do të merrte vetëm 1.5% të votave. Në të vërtetë parashikimi rezultoi i dështuar tërësisht, sepse PDIU hyri me pesë deputetë në Kuvendin e Shqipërisë.
Në atë kohë, kompania në fjalë parashikoi që zgjedhjet e vitit 2013, FRD e Bamir Topit do të fitonte 4.5% të votave, por rezultoi e kundërta, FRD doli me më pak se 1% dhe nuk hyri në parlament. Parashikime të ngjashme kishte edhe për Aleancën Kuq e Zi, për të cilën kompania në fjalë parashikonte se do fitonte mbi 4%.
Historia e sondazheve duket se përsëritet çdo vit, ku kompanitë përcjellin shijet e tyre.
