Kreu i PD, Sali Berisha e ka cilësuar si alarmante sondazhin e bërë publik nga mediat austriake, ku ka rënë mbështetja për Shqipërinë.
Në postimin e tij në Facebook, Berisha shkruan se rënia e mbështetjes për Shqipërinë, vjen pas nismave të fundit të Edi Ramës, si legalizimi i kanabisit dhe amnistia fiskale.
Postimi i Berishës:
Një rënie katastrofale!
Bie nga 35 në 14% brenda pak muajve mbështetja e austriakëve për antarësimin e Shqipërisë në BE.
Miq, sipas një sondazhi të fundit nga Gesellschaft für Europapolitik (ÖGfE) në muajin korrik, të botuar në gazetën Die Presse për anëtarësimin e Shqipërisë në BE, shifrat kanë rënë nga 35 për qind që ishte në prill në 14 për qind në korrik.
Kjo rënie katastrofale, me 1.5 herë brenda disa muajve, e mbështetjes për anëtarësimin e Shqipërisë në BE është shumë e rëndë.
Ajo lidhet me nxirjen e imazhit të vendit nga Edi Rama me nismat e tij të fundit për legalizimin e drogës dhe amnistinë fiskale për paratë e krimit. #sb
