“S’mund ta marrin vendin peng tre kriminelë”, regjisori reagon ashpër pas vendimit për Teatrin: Të mbrojmë veten nga kuçedrat e korrupsionit

Pas vendimit të qeverisë për ta kaluar Teatrin Kombëtar në pronësi të Bashkisë së Tiranës, me ndërtimin e një godine të re, nuk kanë munguar as reagimet e aktorve apo regjisorëve shqiptarë.
I menjëhershëm ka qënë dhe reagimi i regjisorit të njohur Robert Budina ku shprehet në mënyrë tepër të ashpër lidhur me venidmin e ri.
Nga ambientet e Teatrit Kombëtar, Budina i ka bërë thirrje qytetarëve të bashkohen për të bërë rezistencë kundër shembjes së godinës.
“Duke mbrojtur Teatrin Kombëtar, ju keni mbrojtur lirinë, keni mbrojtur të ardhmen tuaj, dhe të fëmijëve tuaj. Të rrimë këtu, të mbrojmë veten nga kuçedrat e korruspionit. Dhe atëherë do të shikoni se çfarë keni për t’i bërë politikanëve. Do të vijnë t’ju ulen në gjunjë për votën. Bëjeni këtë gjë. Dilni dhe kundërshtoni, me dinjitet, me argument, pa inat dhe të themi që ne jemi njerëzit e duhur që mund ta bëjmë këtë vend. Është e pamundur ta marrin vendin peng tre kriminelë. Hajdeni këtu, mposhtni frikën tuaj, dhe do të shikoni si do të tremben dhe do të ikin ata. Kjo është kultura, ky është arti, këta jemi ne”, u shpreh Budina.