Profesori i çështjeve kushtetuese dhe anëtari i Aleancës për Ardhmërinë e Kosovës, Riza Smaka thotë se ish kryeministri i Kosovës, Ramush Haradinaj, do të kërkojë kompensim nga Gjykata e Colmarit në Francë.
Smaka në një prononcim për “Indeksonline”, ka thënë se ish komandanti i Ushtrisë Çlirimtare të Kosovës, për rajonin e Dukagjinit ka të drejtë të kërkojë kompensim material dhe moral.
“Unë pres që Haradinaj të kërkojë dëmshpërblim. Nuk është se kam biseduar më të për këtë çështje. Por, unë pres që ai të kërkojë kompensim dhe jam i sigurtë se do të fitonte, sepse i është bërë dëm i madh me këtë ndalim”- ka thënë Smaka.
I pyetur se sa mund të jetë vlera e kompensimit, Smaka ka thënë se vlerësimi i dëmit material vështirë se mund të vlerësohet.
