Nënkryetari i Lëvizjes Socialiste për Integrim, Petrit Vasili ka reaguar pas skandalit me videopërgjimin ku dëgjohej kryetari i Bashkisë së Tiranës, Erion Veliaj duke i bërë presion 40 anëtarëve të shoqatës së Tiranës që të votojnë kundër Armand Dukës në zgjedhjet e kreut të FSHF.
Vasili shkruan në Facebook se kështu u fundos Reforma në Drejtësi, pasi ndërsa Veliaj përfshihet në skandale, SPAK nuk bën asgjë.
“Ja çfarë maskarenjsh, mafiozë e gojëpisa kanë rrëmbyer të gjitha pushtetet në Shqipëri. E thotë me gojën plot ky horri i Bashkisë së Tiranës, që kemi SPAK-un në dorë. Ja si u gropos Reforma në Drejtesi. SPAK ç’ pret më, la nam! Këta vetëdenoncohen sheshit, ndërsa SPAK ka frikë të lëvizë gishtin”, shrehet Vasili.
Veliaj u dëgjua në përgjime të thoshte se ai kontrollonte SPAK:
“Jo UEFA e FIFA të zbresë, por edhe sikur Zoti dhe Muhamedi të zbresin nuk e ndalin dot luftën time. Unë do të bëj çdo gjë për t’ia nxirë jetën këtyre me Prokurori e SPAK. Edhe ne të duam të tërhiqemi nuk tërhiqemi dot se Prokuroria është vënë në lëvizje,” tha Veliaj
Këto dy fjali mjaftojnë për të rrëzuar poshtë gjithë propagandën e 5 viteve të fundit lidhur me Reformën në Drejtësi.
