Me anë të një postimi në facebook, ish-deputeti i Partisë Demokratike, Klevis Balliu ka reaguar pas publikimit në rrjetet sociale të disa mesazheve ku kupola e policisë së shtetit kërcënon efektivët me heqje nga puna në rast të moszbatimit të urdhrave të tyre. Balliu thotë se skandalet e këtij pushteti, të inkriminuar në çdo qelizë të tij, nuk kanë të ndalur. Sakaq ai thotë se të gjithë duhet të rrëzojnë pushtetin e krimit.
“Policia e pushtetit kërcënon policinë e shtetit. Skandalet e këtij pushteti, të inkriminuar në çdo qelizë të tij, nuk kanë të ndalur. Është e paimagjinueshme se si kupola e Policisë së Pushtetit kërcënon çdo ditë efektivët e ndershëm të Policë së Shtetit. Fakte tronditëse kanë dalë në media ku Shefi kërcënon policët duke u thënë se: Ju vëzhgojmë kudo, mos denonconi skandalet në Polici! Ndërsa efektivë dhe kursantë janë lënë rrugëve me uniforma që blejnë vetë apo edhe karburantin ua hedhin vetë makinave, ata kërcënohen edhe për largime nga puna. Pushtetit të krimit i ka ardhur fundi, të gjithë duhet ta rrëzojmë” – shkruan Balliu në facebook.
