Në Greqi vijon që të ketë një numër të lartë infektimesh nga COVID-19. Në 24 orët e fundit janë regjistruar 3191 raste të reja me virus. 23 qytetarë kanë ndërruar jetë. Të intubuar në spitale janë 317 qytetarë.
Mosha mesatare e tyre është 64 vjeç, 83.3% kanë një sëmundje tjetër ose janë 70 vjeç e lart. Me 23 viktimat që janë shënuar sot që nga fillimi i pandemisë janë regjistruar gjithsej 13,351 fatalitete. 95.2% kishin sëmundje tjetër ose ishin 70 vjeç e lart.
Situatë aspak e mirë është edhe në Itali. 7470 raste të reja nga 255,218 teste janë regjistruar përtej Adriatikut dhe 45 viktima. Shkalla e pozitivitetit ishte 2.9%, nga 3.3% të premten. 5462 janë qytetarët e shëruar.
Numri në njësitë e kujdesit intensiv u rrit me 11 pacientë.
