Për qytetarët e Sirisë ka ardhur dhe një “lajm i mirë”, edhe pse është thjesht një dritëz e vogël në mes të errësirës, por që i gëzon sado pak sirianët.
Një video emocionuese qarkullon në internet ku shihet se si shpërthejnë në lot futbollistët dhe stafi i Sirisë pasi siguruan “Play Off” për një vend në Botërorin “Rusi 2018”.
Ka qenë goli i barazimit i shënuar në limitin kohor të ndeshjes, në minutën e 93-të nga sulmuesi Omar Al Somma në sfidën ndaj Iranit.
Goli i cili i siguroi sirianëve “Play Off”, ka emocionuar pa masë futbollistët dhe stafin e ekipit, të cilët nuk i kursyen as lotët.
Pas barazimit 2-2, ata tani do të përballen ose me Australinë ose Arabinë Saudite në një ndeshje të dyfishtë aziatike muajin e ardhshëm.
Nëse Siria bëhet pjesëmarrëse e Botërorit atëherë, duke marrë parasysh rrethanat ky do të jetë një rast shumë i veçantë që do të emociononte të gjithë botën e futbollit.
https://youtu.be/ZE_Nd_6X_BE
