Nga Klodian Tomorri
Sikur të ishte vetëm sistemi zgjedhor
Në vitin 1996, deputetët u zgjodhën nga populli me maxhoritar të pastër. Por Shqipëria përfundoi në luftë civile.
Në vitin 1997 dhe 2001, deputetët u zgjodhën nga populli, prapë me maxhoritar të pastër. Por Shqiperia u ngjit në majën e piramidës botërore të korrupsionit. Qeveria e dalë nga Parlamenti i zgjedhur nga populli instaloi një nga sistemet qeverisëse me kleptokratike në bote, nga i cili nuk po shpëtojmë dot më.
Në vitin 2005, deputetët sërish u zgjodhën nga populli. Por në Gërdec korrupsioni luante loja luftash.
Ideja është që vjedhja në Shqipëri nuk filloi nga ky sistemi zgjedhor që kemi sot.
Edhe unë e urrej një sistem zgjedhor ku kryetari i partisë emëron deputetët. Por kam frikë se në të gjitha sistemet e mundshme elektorale, deputetët në Shqipëri prapë do jenë ushtarët e kryetarit. Dhe ne prapë do na vjedhin.
