Kur virusi Covid19 sulmon trupin, i kthen qelizat e trupit në “fabrika” për të prodhuar viruse të tjera të të njëjtit lloj.
Virusi afrohet në sipërfaqen e qelizës, ku ngjitet në një proteinë që normalisht ndihmon në rregullimin e presionit të gjakut të pacientit.
Qeliza pa dashur e merr virusin brenda, ndërsa virusi pasi hyn, shkarkon brenda qelizës ngarkesën që ka; udhëzimet për të prodhuar më tepër viruse.
Duke mos pasut pajisje të vetën për t’u riprodhuar, virusi komandon makinerinë e qelizave për të bërë më shumë kopje gjenetike të tij, duke prodhuar kështu më shumë viruse të cilat dërgohen në qelizat e tjera të shëndetshme duke i indektuar edhe ato.
Barna që tashmë ekzistojnë, kanë efekt në pjesë të ndryshme të kësaj makinerie. Por megjithëse në disa raste ato s’janë barna anti-virale, mund të kenë efekt. Edhe disa barna të tjera si ato anti-kancer, të sëmundjeve të zemrës apo edhe barnat kundër skizofrenisë dhe parkinsonit shihen si mundësi. Testime po kryhen edhe për klorokuinën, një barnë kundër malarjes.
Gjithsesi, te përdorimi i këtyre barnave alternative, ekziston mundësia e efekteve anësore, duke rrezikuar të shkaktojnë më shumë dëm se sa efekte pozitive.
