Faruk Fatih Özer u kap në fundin e muajit gusht 2022 në vendin tonë, pas më tepër se një viti arratie, pasi Ankaraja e akuzonte mashtrim. Kjo pasi prej prillit të vitit të kaluar Turqia kërkoi me insistim nga autoritetet shqiptare arrestimin e 28-vjeçarit i cili në vendin e tij dyshohej se kishte ngritur një skemë mashtrimi.
Nga hetimet rezultoi se Ozer ishte larguar nga Turqia dy ditë para se ndaj tij të lëshohej një urdhër-arrest. Pasi u kap, shteti turk kërkonte ekstradim për biznesmenin, mirëpo ai ka bërë apelim në gjykatë.
Por, si qëndron çështja e Ozer dhe e kompanisë të shkëmbimit të kriptomonedhave Thodhex?
Duke qenë se është akoma funksional që nga viti 2017, Thodex ndërpreu papritmas tregtimin në prill 2021, duke përmendur një investim të jashtëm në Shqipëri, që kërkonte një pauzë prej katër deri në pesë ditë në treg. Özer, drejtues i Thodex pretendoi se kompania ishte detyruar të ndalonte tregtimin, por premtoi t’u kthente paratë investitorëve një ditë më vonë. Megjithatë, po në të njëjtën ditë, policia turke arrestoi 62 persona, burgosi gjashtë prej tyre, përfshirë vëllain dhe motrën e Özer, sekuestroi kompjuterët e kompanisë, ngriu llogaritë bankare dhe gjithashtu shpalli një njoftim për Özer. Kur ndodhën të gjitha këto, Özer kishte shkuar tashmë në Shqipëri. Por ai u gjet përfundimisht në Vlorë dhe nisi procesi i ekstradimit.
Özer në rast se ekstradohet në Turqi, rrezikon një dënim prej 46 000 vitesh burg për krime si mashtrimi i rëndë, krijimi i një organizate për kryerjen e një krimi dhe pastrimi i parave në Turqi. Në muajin shtator 2022, avokati i tij, Sevgi Erarslan foli për mediat dhe tha se dyshimi për mashtrim ishte joreal e nuk ka prova ligjore zyrtare, duke ngjallur një diskutim nëse operacionet e kompanisë Thodex Crypto Exchange ishin të paligjshme apo jo.
Meqenëse kompania Thodex u themelua nga Özer në 14.09.2017 si një platformë tregtare kriptomonedhash, raporti zyrtar i sindikatës së Thodex tregon se ai e kreu detyrën e tij i vetëm derisa sistemi u mbyll në 22.4.2021.
Duket se deri në këtë datë, përdoruesit kanë mundur të tërheqin paratë e tyre në llogaritë e tyre bankare sa herë të duan dhe nuk kanë pasur probleme në transaksione. Gjithashtu shihet se, Özer, i ka mbajtur me vete asetet e kriptomonedhave në ‘portofolin’e kompanisë, gjë që është një masë shumë e zakonshme për kompanitë e kriptomonedhave për t’i mbajtur ato të sigurta. Për krimin e mashtrimit, vullneti i viktimës duhet të jetë i atillë, që të karakterizohet nga një sjellje mashtruese dhe kjo sjellje duhet të jetë e vazhdueshme sipas Kodit Penal të Turqisë. Sidoqoftë, në rastin Thodex, duket sikur klientët dhanë pëlqimin e hapur kur donin të tregtonin para me kriptomonedha, sipas kontratave të përdoruesve të Thodex. Prandaj, këtu nuk duket se kemi të bëjmë me një akt mashtrues.
Për më tepër, pasi avokati i Thodex ka publikuar dokumente përmes llogarisë në Youtube të kompanisë, mund të themi se Thodex ka pësuar një humbje të madhe për shkak të sulmit hakerues që ndodhi ndaj kompanisë në vitin 2018. Duket se Thodex nuk ka qenë i detyruar t’i bartë këto humbje në kontratën e bërë me përdoruesit. Pretendohet se kur vlera e kriptomonedhave arriti kulmin në prill 2021 dhe u shtuan pagesa të përsëritura, kompania Thodex u has me disa pengesa serioze. Kjo duket si arsyeja pse Özer shkoi në Shqipëri. Kështu, në fakt, Özer e shpjegoi arsyen e largimit të tij, për të gjetur një investitor ose shitja e kompanisë, pasi biznesmeni turk kishte arritur në Shqipëri.
Gjithashtu, është konstatuar se MASAK (Komiteti Turk për Hetimin e Krimeve Financiare) ka përgatitur një raport në kuadër të çështjes kryesore të Thodex, kështu që humbjet e ankuesve janë llogaritur nga MASAK. Kur disa media turke dhe shqiptare përhapën disa lajme që paraqesin numrin e ankuesve si 400 000 persona dhe humbjen totale prej 2 miliardë dollarësh, këto rezultojnë të jenë të pavërteta, siç doli raporti i MASAK. Pra, e vërteta është se numri i saktë i ankuesve përbëhej nga 2000 vetë dhe gjithashtu u konstatua se shifra prej 2 miliardë dollarësh ishte e pavërtetë, pasi humbja totale mund të ishte vetëm 13 milionë dollarë.
Për më tepër, avokati i Thodex, Erarslan tha më parë dhe paraqiti dokumente në gjykatë se kompania Thodex mbuloi humbjet e më shumë se gjysmës së ankuesve. Avokati gjithashtu pretendoi dhe paraqiti disa dokumente për shumë parregullsi dhe paligjshmëri në procesin e gjykimit si: mosarritjen e kërkesave që i janë dorëzuar lëndës nga ankuesit për tërheqjen e ankesave, heqjen e shumë shkresave të lëndës në sistemin elektronik, dhe refuzimi i paarsyeshëm i kërkesave të përsëritura (të cilat ndoshta mund të zbulojnë të vërtetën) të bëra nga avokatët mbrojtës. Ndërsa konstatohet edhe se lajmet e rreme ishin tepër të zakonshme për sasinë e humbjes dhe numrin e ankuesve për rastin. Akuzat për mashtrim në dosjen Thodex në veçanti ngrenë pyetjen: “Cila është e vërteta e çështjes? A mund të jetë një skenar tjetër, që ndoshta duhet ta dëgjojmë nga vetë CEO i kompanisë?”/Gijotina.com/
