Policia ka zbuluar të tjera detaje nga masakra në Fushë-Krujë, ku mbetën të vdekur tre persona. Sipas të dhënave në makinën e viktimave “Golf 3” është gjetur një armë. Automjeti u tyre u përfshi nga flakët dhe më pas u shkrumbua për shkak të plumbave të shumtë, rreth 50, më të cilët autorët qëlluan në drejtim të tyre. Dyshohet se makina e autorëve ka qëlluar fillimisht nga pas viktimave, më pas makina e tyre ka kaluar paralel me automjetin e të vdekurve dhe në fund ka parakaluar dhe kanë qëlluar sërish me plumba dhe në vendngjarje janë gjendur 60 gëzhoja.
Ndërsa, një tjetër automjet i djegur është gjendur në fshatin Aramenas dhe dyshohet se i përket autorëve të atentatit. Në brendësi të automjetit është konstatuar një armë zjarri automatike që besohet se është përdorur për të kryer krimin, gjithashtu dhe dy kallashnikov. Viktimë të atentatit mbetën Diklen Vata, Brilant Martinaj dhe Besmir Hoxha. Ata u dërguan fillimisht në spital, por nuk mundën që t’i mbijetonin plagëve të marra. Policia po kontrollon disa kamera sigurie të bizneseve përreth dhe janë ngritur disa postoblloqe për zbulimin dhe kapjen e autorëve.
