Prof. dr.Tritan Kalo ka rrëfyer se si po i përballojnë këto netë dhe ditë mjekët, imazheristët, farmacistët, infermierët, sanitarët e Spitalit Infektiv.
Në një shënim në facebook, profesori i mirënjohur shkruan: “Në vijën e parë të “luftës ndaj Covid-19”
Ekipi i shërbimit të Sëmundjeve Infektive në QSUT “Nënë Tereza” ka një eksperiencë të pasur në përballimin e shumë epidemive në këto 30 vitet e fundit: fruthi në 1989, kolera në 1994, poliomeliti në 1996 dhe gripi i derrit në 2009.
Eksperienca dhe përkushtimi nuk mungojnë, përkundrazi ato janë një garanci e sigurtë se ne do t’ia dalim mbanë edhe përballimit të epidemisë nga SARS-CoV-2/Covid-19.
Jemi të gjithë në krah të njëri-tjetrit mjekë, imazheristë, farmacistë, infermierë dhe sanitarë; të të gjithë grupmoshave.
Kini Besim në përkushtimin dhe sakrificat tona për t’iu shërbyer në çdo kohë dhe në çdo rrethanë.
Jemi me ju dhe për ju në gatishmërinë maksimale.
Puna e jonë në grup kurdoherë ka bërë që ta meritojmë plotësisht, njohjen si Shërbimi më i mirë në Shëndetësinë Publike të Shqipërisë!!!
Ne dota fitojmë edhe këtë betejë!”.
