Nga Liri Kuçi
“Zgjohemi që në 5 të mëngjesit për të bërë gati bukën për fëmijët dhe burrin dhe pastaj vrik për në punë,”- thoshin dje gratë që punojnë në fabrikën e Kombinatit.
Po 8-Marsi pushim? –“Po ç’pushim moj bijë, do punojmë paradite, pastaj një dyorësh do shkojmë në një festë që kinse e organizon pronari taljon, por vallaj lekët i kemi vënë vetë për gjërat që do hamë”.
Po më pas çfarë do të bëni zonjë? – “Do shkojmë të shtrijmë kockat pak dhe do fillojmë sërish me punët e shtëpisë, se nuk do i gjejmë gati si nëpër filmat romantikë, qoftë edhe për një ditë, 8 mars. Haha…” -qeshi pa të keq njëra prej tyre dhe shpejtoi hapat për t’iu bashkuar grupit të shoqeve të sapodala nga fasoneria, që nxitonin për në shtëpi.
Tani kush më thotë nëse beson në jetën pas punës?!
