Në një njoftim për media mësohet se shkak për shtyrjen e mbledhjes së Komisionit Qëndror të Zgjedhjeve është bërë mungesa e informacionit nga Zyra e Gjendjes Civile.
Kështu KQZ vendosi shtyrjen e vendimmarrjes për verifikimin e të dhënave në formularët e vetëdeklarimit mbi bazën e kërkesës së Prokurorisë së Përgjithshme, për funksionarët Basri Elezi, Abedin Oruçi, Gjon Pjetri, Xhevdet Sopaj dhe Dashamir Tahiri.
Gjithashtu, për verifikimin e të dhënave në formularin e vetëdeklarimit të kandidatëve nga listat shumëemërore për Këshillat bashkiakë, KQZ vendosi t’u komunikojë këshillave bashkiakë vazhdimin e procedurave për dhënien e mandatit të tyre dhe në të njëjtën kohë të vazhdojë verifikimin e plotë të tyre mbi bazën e ligjit nr. nr. 138/2015 “Për garantimin e integritetit të personave që zgjidhen, emërohen ose ushtrojnë funksione publike”.
