Një atentat është raportuar në Itali, ku një shqiptar ka qëlluar me armë zjarri drejt një bashkatdhetari të tij dhe më pas është larguar. 51-vjeçari shqiptar është arrestuar sot nga policia italiane pasi akuzohet se ka plagosur me armë zjarri të cilën e kishte pa leje një person.
Ngjarja ka ndodhur në një lokal në Artena, vendi dhe ku jetonte.
Mësohet se shqiptari pasi e ka qëlluar ka ikur menjëherë nga vendi i ngjarjes, ndërkohë që ka fshirë dhe gjurmët e tij.
Sakaq shqiptari që mbeti i plagosur është dërguar me urgjencë në spital. Ai kishte marrë një plagë në këmbë, ndërkohë për plagosjen kanë qenë mjekët ata që kanë njoftuar policinë.
Kjo e fundit nisi të mbledhë prova kundrejt shqiptarit të arratisur ku dhe e ka arrestuar. Deri më tani nuk dihen arsyet se përse 51-vjeçari qëlloi drejt bashkatdhetarit të tij shqiptar.
