Ishulli i Chiosit në Greqi është tronditur nga vrasja e një biznesmeni grek nga një 28-vjeçar shqiptar pas një sherri të momentit.
Sipas mediave greke, gjithçka ka nisur pasi shqiptari dyshonte se biznesmeni 40-vjeçar i ngacmoi të dashurën dhe në sherr e sipër e ka goditur disa herë me thikë.
Biznesmeni 40-vjeçar dhe baba i dy fëmijëve kishte shkuar për të pirë në lokalin ku punonte 28-vjeçari me të dashurën e tij. Një keqkuptim mes dy burrave çoi në tragjedi. Ata të dy njiheshin dhe më parë pasi babai i 28-vjeçarit shqiptar ishte shok me viktimën.
Autori u arrestua, u dërgua në Prokurori dhe të martën do të japë shpjegimet në hetuesi. Ndaj tij është ngritur një çështje për veprën penale të vrasjes me dashje dhe shkelje të legjislacionit për armët.
Bëhet e ditur se ka qenë një dëshmitar okular i ngjarjes i cili ka tentuar ti’i ndajë dhe më pas ka lajmëruar ambualncën dhe policinë.
“Pashë gjak kudo në dysheme, autori e kishte humbur fare dhe nuk dinte çfarë të bënte. Më kujtohet që i thashë të thërriste shpejt ambulancën, të vinte dikush, edhe unë e kisha humbur, nuk e dija se çfarë po më ndodhte, isha i hutuar.”-tha dëshmitari.
