Ende nuk është zyrtarizuar, por mesa duhet Christian Panucci duket se do të jetë trajneri i ri i Kombëtares Shqiptare të Futbollit.
Federata Shqiptare e Futbollit nuk e ka konfirmuar ende lajmin, por kjo me shumë gjasë është çështje orësh.
Kreu i FSHF ka zgjedhur Panucci-n si pasues të italianit Gianni De Biasi.
Dy emrat e fundit që janë përmendur si pasues të Gianni De Biasi-t, Luigi De Canio dhe Clarence Seedorf, janë fshirë nga lista kuqezi.
Arsyeja që mund të ketë ndikuar në zgjedhjen e Dukës ësht fakti se ish-trajneri i Livornos dhe Ternanës ka punuar edhe me Fabio Capello në Kombëtaren e Rusisë.
