Shqipëria renditet në vendin e 92- të në indeksin global të inovacionit, duke u pozicionuar në fund të shteteve të tjera të Europës.
Në këtë indeks Serbia e lë pas Shqipërinë duke u renditur 27 vende më lart. Kjo renditje hedh poshtë deklaratat e qeverisë sonë për projekte të reja inovative.
Këtë studim e ka publikuar edhe studiuesi Afrim Krasniqi i cili thekson faktin se:- “Jemi të fundit në inovacion në rajon, në Evropë dhe në vendet ku ka praktika demokratike konkurruese! Shume vende larg fqinjëve (Mali i Zi, Bosnje, Kroaci, Maqedoni, Greqi), fqinj me Sri Lanken e Namibine. Shqipëria ka pasur ministra inovacioni, një të djathtë e një te majtë, të dy aq te suksesshëm sa statistikat flasin vetë!”
Postimi i plotë i Afrim Krasniqit
Inovativë? Kush më shumë se ne!? A nuk jemi vendi i vetem ku 90% e atyre qe marrin vendime dhe bejne opinionin publik kalojne diten ne FB e Tëitter? A nuk kemi zyrtaret & politikanet & shefat e medias me celularet e markes se fundit, me vilat e makinat e modes se fundit? A nuk kemi shpikur kulla polici digitale, qytetar digital, mjeke digital, media digitale; a nuk patem aftesine te ndertojme kulla ne stadiume, parcela betoni ne qytete bregdetare; a nuk vendosem kosh basketbolli ne zyren e shefit te partise dhe a nuk e vendosem opozten aty ku ishim mesuar te shkonim per homazhe lamtumire; a nuk krijuam treg me birra e qofte midis tri godinave universitare dhe mu perpara zyres se kreut te shtetit; a nuk po shikojme grabitje bankash pa perdorur as force dhe as arme; a nuk i nxorri djali bastexhi thaset me parate tona nga Banka dhe asgje nuk i hyri ne kembe derisa u vetdenoncua; a nuk ishim dje te dytet pas Gjermanise ne rritje ekonomike dhe sot te dytet pas Gjermanise per numer fasonerie; a nuk kemi numrin me te larte te mediave per banore ne Evrope, a nuk kemi anes Lanes universitete planetare, mesdhetare, europiane, nderkombetare..??? Keto me siguri nuk i gjen as në Zvicer dhe as në Suedi, Britani apo SHBA, – vende që rezultojnë në krye të listës, pasi atje, sic pati thënë në intervistë në euronews i gjati ynë, – kanë jetë monotone, të mërzitshme! Dhe ka të drejtë, këtu është jeta, midis Gjirit të Lalzit, Dhërmisë, Jalës apo vendit mekatar me Santa!
Ne kemi shpikur pafund, cfare nuk kemi shpikur, ndaj cudi qe na thone, – jemi te fundit ne inovacion ne rajon, ne Evrope dhe ne vendet ku ka praktika demokratike konkurruese! Shume vende larg fqinjeve (Mali i Zi, Bosnje, Kroaci, Maqedoni, Greqi), fqinj me Sri Lanken e Namibine.
Dy vjet me pare ministrja e inovacionit, qe “braktisi Parisin per keneten tone” sic i pelqen te prezantohet, mbajti nje fjalim ne parlament, ku listoi rreth 12 kunata te ish zyrtareve te djeshem qe punonin ne shtet! Ishte unike, – kishte aftesine te zbulonte kunatat e gjithesecilit, nje pune qe dikur e benin shitesit ne lagje jo ministrat, sidomos ata te inovacionit. Shqiperia ka pasur ministra inovacioni, nje te djathte e nje te majte, te dy aq te suksesshem sa statistikat flasin vete!
Dhe tani per tu bere serioz! Raportë të tilla nuk kanë ndikim në Shqipëri, por janë orientuese thelbësore për biznesin e huaj, për kompanitë dhe firmat e mëdha, aq edhe për institucionet që asistojnë Shqipërinë, apo turistët e median me interes ndaj vendit tonë. Për këtë arsye ato duhen marrë seriozisht, duhet trajtuar institucionalisht dhe duket të krijojmë strategji efektive, reale dhe të matshme, të paktën, për të mos humbur edhe vitet e ardhshme. Modele? Ka pafund, mjafton vetëm ti marrim dhe ti zbatojmë me seriozitet. Praktika abuzive apo deklarime propagandistike, si psh, one stop shop në bashkitë e reja, kartat e shëndetit, shërbimet online ndaj qytetarëve etj, janë thjesht përralla, asgjë më shumë. Burokracia ka mbetur e njëjtë, lejet janë ende pronë e zyrtarëve të korruptuar, shërbimet publike mungojnë, shkolla është fiktive në strukturën dhe përmbajtjen e saj, universiteti është eksperimental dhe shkenca simbolizohet dukshëm në atë që po ndodh me QSA, prej më shumë se një viti pa drejtues, pa status, pa ligj dhe pa plan për të ardhmen!
A mund të ketë inovacion në këtë rrethana? Po, përderisa vendet në rajon kanë pasur dhe kanë, shqiptarët nuk janë dhe nuk mund të jenë përjashtim. Thjesht duhet inovacion për të menduar praktikisht sesi mund të bëhemi më novatorë. Le ti japim pergjigje pyetjes qe askush nuk e ben publikisht, – perse shqiptaret me te afte dhe te famshem kane bere emer e karriere jashte vendit sesa ketu, – per te kuptuar me lehte, problemet tona, dhe per te ndikuar sadopak per ti zgjidhur ato!
