Kreu i PDIU, Shpëtim Idrizi ka reaguar lidhur me draftin e Ministrisë së Brendshme e cila propozon përdorimin e gjuhës së minoritetet si dhe të drejtën e vendosjes së tabelave, sinjalistikës, toponimeve lagjeve dhe shesheve në gjuhën e tyre.
Gjatë ekspozitë me figurat më të shquara të historisë së Çamërisë në sheshin “Skënderbej”, Idrizi tha se çështja e kombësisë, nuk është çështje si ndjehesh por çfarë je faktikisht.
“Mos harroni që Çamëria është 5% më pak nga Kosova nga pikpamja e sipërfaqes, është vend i i miteve të mëdha, aty ku përplasen qytetërimet Iliro-Pellazgë me atë Helonik. Ne do të vazhdojmë duke filluar nga nesër të denoncojmë dhe protestojmë për mendjelehtësi në rastin më të mirë, për tradhti kombëtare në rastin me të keq me atë që po ndodh dhe që po tentohet të ndodhë me një VKM të qeverisë shqiptare. Ku mjafton që 1% e njerëzve në zonë të pranojnë që janë në minoritet dhe ajo zonë kthehet automatikisht në dy gjuhësh. E kemi denoncuar që në ligjin për minoritetet, ku Shqipëria doli çuditërisht me 9 minoriteteve. Heqja nga ligji për minoritetet të përcaktuara nga shteti shqiptarë që në vitin 1937 në kohën e mbretit Zog dhe tentative për të bërë një census, i cili do të ketë për bazë vetëdeklarimin që nuk ndodh në asnjë vend. Ka një vendim të Gjykatës Ndërkombëtarë që në vitin 1933 që e përcakton çështjen e kombësisë dhe shtetësisë dhe jo çështjes se si ndjehesh por çështje fakti. Kush do të dali grek nuk e fakton dot këtë gjë as me pension as me deklarim por nëpërmjet parimit “Suis Sanguis”, pra nësë ka gjyshen stërgjyshen atëherë ka të drejtë. Çështja e kombësisë, nuk është çështje si ndjehesh është çështje çfarë je faktikisht“, deklaroi kreu i PDIU, Shpëtim Idrizi.
https://www.facebook.com/pdiu.al/videos/591825061716246
